Не пробувајте дома: Нега на косата со пламен од свеќа

Бразилската манекенка Барбара Фиаљо ја гори својата коса со свеќа, за да биде здрава и сјајна. Не го пробувајте ова дома!

Манекенката која има носено модели и на Викторија Сикрет, си прави велатерапија – постапка при која со пламен од свеќа се палат оштетените краеви на косата.

Барбара додава и дека познатите манекенки Алесандра Амброзио и Изабели Фонтана, исто така на овој начин ја одржуваат својата коса, во еден фризерски салон во Сао Паоло.

Фризерите објаснуваат дека оваа постапка овозможува хранливите материи слободно да поминуваат во внатрешноста од влакното при што се отстрануваат оштетените краеви од косата предизвикани од разните средства. Тие велат дека оваа терапија не е популарна само кај манекенките, напротив одржувањето со пламен од свеќа е многу популарно ширум Бразил.

“Тоа е неверојатно. Пламенот не ја скратува косата, но по третманот влакното е мазно и здраво”, истакнува уредничката на бразилското издание на магазинот “Вог” Викторија Серидоно.

Дали е оваа постапка навистина делотворна, не можеме да кажеме со сигурност, но знаеме дека оваков третман треба да прави само фризер, па затоа не пробувајте го ова дома!

httpv://www.youtube.com/watch?v=Aj8Z1qE4XA8