Романтичната фасцинација од странските и далечни земји и понатаму е присутна. Најзабележливите модни изданија се резултат на поклопувањето на Истокот со Западот. Номади, гејши, антички грации, модерни бедуинки… На улиците на Париз и Милано можеме да видиме парчиња кои како да се извлечени од царските ризници или позајмени од гејшите, но кои кога се комбинирани со еднобојна кожна сукња или обична бела маица, изгледаат многу шик.
Разновидните примери од модните писти брзо го најдоа своето место меѓу уличните стилови. Се носат плетени шалови префрлени преку откачени фустани, кимона со извезени змејови преку кратки панталони и бермуди, јакни укресени со орнаментални везови, етнички реси кои висат од облеката и чевлите, богата чипка која како да е штотуку донесена од Византија. Кој е вашиот избор?
You must be logged in to post a comment Login