Портокаловата е новата црна? Знаеме дека ви е тешко да поверувате во тоа. Зошто? Од едноставна причина: новата црна не постои. Само црната може да биде „нова“ црна.
Тешко дека било која боја ќе успее некогаш да ја замени. Онаа моќ која црната ви ја дава вам и на вашиот изглед ѝ припаѓа само на неа. Таа е елегантна, класична, софистицирана, едноставна, модерна, вечна, сексапилна… Таа е ЦРНА! Точка.
Црната ја следи уште еден епитет: не е за во лето. Особено не кога сите ви испраќаат сигнали дека пастелните бои се главната летна палета, но и кога знаете дека сонцето „не ја сака многу“ црната.
Доколку сте дама која без црната не може да го помине врелото, топло лето, ние имаме 12 предлози како да ја носите вашата омилена боја и на +30 степени!
И каква врска има што црната ги привлекува УВ зраците, кога во оваа боја ќе бидете забележани каде и да се појавите? За инает на сонцето, а во чест на летните ноќи…
You must be logged in to post a comment Login