5 главни пролетни модели на jeans

Различни бои, форми… Фармерките од сезона во сезона остануваат главни модели.

Кој може да не ги сака?

Дефинитивно секоја жена ги има во својот гардеробер и секогаш ни се првиот избор кога не знаеме што да облечеме, било да одиме на прошетка или на коктел забава.

Безвременска облека, која никогаш не излегува од мода, а и оваа пролет ни доаѓа во неколку главни варијанти. Доволно е само да земете поатрактивни патики, мантил и вие веќе ќе бидете во тренд.

Ви ги претставуваме 5-те главни пролетни модели кои можете да ги носите на секоја пригода.

Boyfriend

По можност, моделот да биде мек и поширок. Најважно е обемот да ви одговара, односно убаво да ви „легне“ на половината. Носете ги со широки блузи и пократки маички. За обувките, ве советуваме да изберете повисоки патики. Овој минималистички изглед е во тренд.

Super skinny

Овој модел е уште еден кој мора да се има оваа сезона, модел кој никогаш не излегува од мода. Совршено парче облека кое може да се комбинира со свилена кошула и високи потпетици за дневна/работна варијанта или полудлабоки чизми и јакна за вечерните излегувања.

Класичен модел

Некои овој модел го нарекуваат „мама модел“, но дефинитивно кога говориме за него мислиме на класични фармерки со рамен крој и повисок струк, кој ја прати линијата на телото. Во тренд се моделите со украси или додадени разнобојни материјали.

„Искинати” фармерки

Суптилно искинати, со кратки реси на рабовите од фармерките…идеална комбинација со старки!

Во форма на ѕвонарки

Уште еден модел кој се врати на модната писта – фармерките ѕвонарки. Совршен модел кој ги издолжува вашите нозе. За сите оние кои имаат облини.