Нема да се покаете: Највкусното лепче со лук и магдонос

Состојки:

500 гр бело брашно

1 пакетче квасец (околу 10 гр)

300 мл вода

Главица лук

Помал врзоп свеж магдонос

10 гр сол

1 лажица маслиново масло

Едноставно направете тесто од брашно, квасец и вода и дозволете да го дуплира волуменот. Во меѓувреме се вари во вода лукот околу 10 до 15 минути, додека не омекне.

Ситно исецканиот магдонос додадете го во садот со лукот. Додадете и лажица маслиново масло и добро испасирајте. Мешавината од лук, магдонос и сол се додава во тестото и се меша додека равномерно не се распореди низ целото тесто.

Оставете тестото да отстои 2 до 3 часа, промесувајќи го секој час. Се обликува по желба и се остава уште еднаш да нарасне пред печење. Се пече на 220 степени од 25 до 30 минути.