Торта со крем од ореви

Состојки:

• 6 јајца
• 150 гр шеќер
• 120 гр брашно
• 1 лимон
• За кремот:
• 200 гр путер
• 120 гр шеќер во прав
• 2 јајца
• 1 супена лажица млеко
• 160 гр мелени ореви

Јајцата се матат добро со шеќерот, се додава брашното и изренданата кора од лимон. Се меша добро и смесата се префрла во сад за печење обложен со хартија за печење. Се пече на умерена температура.

Кремот: Се мати путерот со шеќерот и се додаваат едно по едно јајцата. Оревите се попаруваат со врело млеко, се остава да се оладат и се додаваат во путерот.

Тестото откако ќе се олади, се сече на две кори, меѓу нив се става дел од кремот а со останатиот крем се мачка од горе и странично.