Научниците од Харвард го објавиле истражувањето врз основа на кое заклучиле дека луѓето со нулта крвна група имаат природна заштита која ги штити од разни болести на срцето и крвните садови.
Тие откриле дека поединците со крвна група АБ која воедно е најретката, имаат 23% поголем ризик од срцев удар отколку останатите. Луѓето со крвна група Б имаат 11%, а припадниците на А крвната група имаат 5% поголем ризик од развој на срцеви потешкотии.
Крвната група О има одредени супстанции во крвта кои ја подобруваат циркулацијата и ја намалуваат шансата од зачепување на крвните садови, а со самото тоа се намалува и ризикот од инфаркт. Исто така крвната група А е поврзана со зголемено ниво на лош холестерол во крвта, додека крвната група АБ се поврзува со поголем ризик од воспаление, што е еден од факторите за оштетување на артериите.
Затоа ако не знаете која крвна група сте посетете го најблискиот транзфузиолошки завод и дајте крв. На тој начин ќе спасите живот, а воедно и ќе дознате колку треба да внимавате што да јадете и колку да вежбате.
You must be logged in to post a comment Login