Витаминска бомба: Тегла витамини за зајакнување на имунитетот – за деца и возрасни

Јак имунитет – Тоа е отпорноста на организмот да се пребори со различни болести. Иако во нашите апотеки секојдневно се нудат се повеќе препарати за зајакнување на имунитетот – народните лекови не ја губат својата популарност и влијание на овие простори.

Тоа е разбирливо бидејќи ни еден синтетски производ од апотека не може да се спореди со природните производи кои се лесно достапни и многу поефикасни за лечење на сите болести.

Имајќи една ваква “тегла со витамини“ – ќе ја задоволите не само детската потреба за благо туку и ќе го зајакнете имунитетот на целото семејство. Ви нудиме две рецепти за зајакнување на имунитетот. Двете се врвни – и испробани. На вас е да изберете.

Прв рецепт за зајакнување на имунитетот за деца и возрасни:

Потребно е:

–          100 гр суво грозје

–          150 гр ореви

–          100 гр бадеми

–          Кора од 2 лимони

–          100 гр суви кајсии

–          100 гр суви сливи

–          300 гр мед

Во машина за мелење месо се мели сувото грозје, оревите, бадемите и кората од лимон. Во смесата додадете сок од два лимони, чија кора претходно сте ја употребиле. Измешајте. Понатаму, додадете ги сувите сливи и сувите кајсии. Измешајте. На крај се додава медот и повторно се меша. Оставете да отстои на темно место 1-2 дена.

За деца постари од 3 години – 1 лажица 2 пати дневно

За возрасни: 1-2 лажици 3 пати дневно

Втор рецепт за зајакнување на имунитетот за возрасни

Состојки:

–          200 гр суви кајсии

–          200 гр суви сливи

–          200 гр суви смокви

–          200 гр ореви

–          1 лимон

–          50 мл ракија

–          250 гр мед

Сувото овошје и лимонот заедно со кората се мелат во машина за мелење месо. Во смесата додадете ги и медот и ракијата и измешајте. Теглата со смесата се чува во фрижидер. Конзумирајте по една супена лажица пред оброк.

Бидете здрави!