Многумина од нас ќе потврдат дека бабините и народните рецепти се доволно ефикасни при кашлица и настинки и затоа во некои случаи може да бидат успешна алтернатива на традиционалните лекови.
Денеска ќе ви понудиме три од нив, најчесто користени при симптоми на кашлица.
Домашен сируп
Се приготвува врз основа на 250мл пиво, кон кое се додаваат 100гр шеќер и еден претходно измиен, исчистен и по желба рендан или бланширан лимон. Кога ќе се измешаат, состојките се варат на пареа околу 30 минути. Откако ќе се сварат се процедуваат. За да се зајакне терапеутскиот ефект на сирупот, се додаваат 2 лажици алкохол – коњак, рум, мастика, благодерение на кој садовите и најмногу бронхиите се прошируваат. Дозата на домашниот сируп против кашлица се определува во зависност од нејзината сила – по една лажица се користи на секои 15, 30 или 60 минути.
Лековит чај
Три скршени ореви се варат во 400мл вода. Откако ќе се сварат се додава 1 лажичка босилек. Течноста се враќа повторно на оган и се вари уште 10 минути. По желба се засладува со шеќер.
Пијалок со вино
За подготовка се потребни околу 750мл бело вино, 200гр кромид и околу 100гр мед. Кромидот се ренда, а потоа состојките се мешаат и се оставаат да отстојат 5 дена. Потоа смесата се цеди.
Белото вино во комбинација со мед и кромид прави чуда при присуство на кашлица и болно грло.
You must be logged in to post a comment Login