Како изгледа жената што сите ја посакуваат?

Една жена во секоја ситуација треба да биде Жена! За жал нашата емоционалност е голема пречка во тој поглед. Често во моментите на бес кажуваме работи или се однесуваме на начин кој е далеку од начинот по кој би требало да се однесува една вистинска дама. Се разбира кога гневот ќе помине ние се каеме и срамиме од постапките. Но срамот не е наша единствена грижа. Треба да знаете дека слично однесување страшно многу ги иритира мажите. И не само тоа. За да сте посакувана и привлечна, ви ги препорачувам следните 9 едноставни совети.

Научете да ги контролирате емоциите. Да тешко е! Но има начин да го изразите она што го чувствувате на поцивилизиран начин. Никој не ги сака кавгаџиките.

Бидете мистерија! Како супер интересна книга од кој ќе може да прочита само по неколку реченици секојдневно. Никогаш не треба да припаѓате на еден маж 100%. Воздржете се од патетични пораки и постојано изјавување љубов. Во спротивен случај ризикувате тој да ве смета за даденост. А сите знаеме што ќе се случи потоа…

Не покажувајте дека ви е страв од помислата дека ќе го изгубите. Страв – запомнете го ова зборче. Стравот е она нешто, што подсвесно или свесно ги предизвикува останатите да ве манипулираат и злоупотребуваат. Можете да покажете на мажот до вас дека го сакате без при тоа да изгледате како исплашено кученце, кое моли за галење.

Не се понижувајте! Колку и да сте вљубени, колку и да не можете да живеете без тој човек, секогаш на прво место ставете се себе. Секако треба да ги разликувате поимите респект кон себе си, и горделивост без основа.

Не се согласувајте со се! Тоа е многу погрешна тактика и при двата пола. Ако немате сопствено мислење и уште полошо – ако не ги штитите своите позиции, интересот кон вас набрзо ќе исчезне.

Не се однесувајте како негова мајка. Жените често ова го прават подсвесно или со цел да демонстрираат загриженост. Не му повторувајте постојано да се облече добро, бидејќи надвор е студено или да си го изеде зеленчукот бидејќи е здраво. Ваквото однесување ве потсетува на некого?

Бидете нежна и женствена. Мажите имаат потреба да почувствуваат дека можат да ве заштитат, да се грижат за вас…Како розата во Малиот принц. Знам дека многу жени веднаш ќе се спротивстават на овој совет. Зошто денес е модерно да се биде силна жена, која ги презира мажите и која покажува дека нема потреба од ничија помош. Ако се чувствувате вака, подобро воопшто не започнувајте врска. Го велам ова сосема отворено. Бидејќи или ќе најдете лукав начин и ќе го претворите саканиот во папучар или односите ќе ви бидат една непрекината реприза на раскинување и повторно смирување. И во двата случаи никој од вас нема да биде среќен.

Научете прво да се сакате себе си и тогаш барајте некој да ве сака вас.

И не на последно место – ако барате принц, вие треба да бидете принцеза. Секогаш средена од глава до пети, среден маникир, убава фризура, и безпрекорен стил. “Тој ме сака каква и да сум“ е фраза која ќе ве одведе на погрешен пат. Запомнете, мажите сакаат со очите!