На мажите понекогаш е тешко да им се угоди. Желни се за забава, секс без обврски и слобода, често напуштаат добри девојки со кои се во врска барајќи нешто ново. Меѓутоа кога ќе сватат дека направиле грешка, повторно се враќаат на старата врата.
Жените навистина многу често не ги разбираат мажите. Најпрво трчаат по вас за да ве освојат. Некое време уживаат во врската. Почнуваат да се извлекуваат и се почесто да користат разни глупави изговори. После ќе ве остават и ќе се насочат кон нечија туѓа сукња. И после се, кога ќе сватат што оставиле зад себе, се враќаат да молат за прошка.
Во таква ситуација ќе си помислите “Што сака сега?“. Но знае тој многу добро што сака и уште подобро што пропуштил. Ова се четирите најчести причини поради кои бившиот повторно се враќа кај бившата:
Се сменил
И сака да видите дека сега е нов човек, подобар маж кој сватил дека направил грешка. Ова е само себичен начин да ви покаже како всушност тој и не е така лош како вие што мислите, туку дека за време на вашата врска работите едноставно биле чудни. Ако мажот навистина се сменил ова е супер причина повторно да се обидете, но најчесто станува збор само за неговото его кое не трпи некој да има лошо мислење за него.
Вие сте се смениле
Нова фризура, неколку килограми помалку или само поинаков став кон животот. Во моментот од “досадна“ бивша станувате девојка која не би требало да ја остави. Добро е за женското его, но реално ова е само начин бившиот да ви каже како сега сте доволно добра за него. Прашање е дали тој сеуште е доволно добар за вас?
Вашиот нов дечко
Ништо нема да му ги отвори очите на бившиот како фактот дека сега сте среќна со некој друг. Неговиот надпреварувачки дух се буди, а потребата да покаже дека е подобар од вашиот нов дечко е толку силна што едноставно ќе посака повторно да ве има. Иако и тоа е добро за нашето его враќањето на бившиот е лоша идеја бидејќи на него му е поважно да го победи новиот дечко, а не вас да ве освои.
Сватил што изгубил
Понекогаш мажите сваќаат дека биле глупави и дека не требало да ја остават бившата девојка. Се случува. Ако навистина покаже дека му е важно и е спремен да вложи многу повеќе труд во вашата врска, не е лошо да му дадете шанса. Можеби навистина се сменил на подобро…
