Потребни состојки:
5 жолчки и 1 цело јајце
250 мл слатка павлака
125 мл млеко
200 гр црно чоколадо
1/3 чаша кафеав шеќер
3 супени лажици чоколаден ликер
1 ½ чаена лажица цимет
Начин на подготовка:
Измешајте ги јајцето, жолчките и шеќерот со миксер. Во сад на умерен оган загрејте ја павлаката и млекото.
Искршете го чоколадото и штом млекото зоврие трегнете го садот од оган и додадете го чоколадото. Измешајте внимателно почнувајќи од средината. Така подготвената смеса малку се лади и се исипува внимателно врз жолчките. Се меша до добивање на хомогена смеса. Се додаваат цимет и ликер.
Загрејте го шпоретот на температура од 170 степени. Распоредете го кремот во огноотпорни чашки. Поставете ги во тава со вода која ќе покрива половина од висината на чашките.
Чоколадниот крем се пече така околу 30-35 минути додека почне да се втврднува во средината.
Готовиот крем се сервира ладен.
You must be logged in to post a comment Login