Првата жена на која во Турција успешно и е пресадена матка забременила. Дарја Серт има 22 години, родена е без матка, а органот и е пресаден во август 2011. После ин витро оплодување жената зачнала, а информациите официјално ги потврдува универзитетската болница Акдениз во Анталија, каде е извршена трансплантацијата и покасно оплодувањето.
Во светот без матка се раѓаат годишно околу 5000 женски деца, додека кај илјадници жени тој орган се отстранува поради рак или некоја друга болест, поради што не можат да бидат мајки.
Во септември и шведските лекари извршиле две трансплантации на матка од мајка на ќерка. Двете жени на кои им е пресадена матката од нивните мајки се во триесетите години и во добра здравствена состојба со услови за безпроблемно зачнување.
You must be logged in to post a comment Login