Однесувајте се како машко… И уживајте во животот без грижа на совест!

Жените постојано се жалат на однесувањето на нивните партнери и често се трудат да го разберат и прифатат начинот на кој мажите го доживуваат светот и врските…

Наместо да барате начини како да се справите со машките „каприци“ превземате ги неговите навики како свои барем на една недела… и верувајте разликата која ќе ја почувствувате ќе биде во Ваша корист!!!

1. Почекајте тој да ви се јави

Наместо да праќате пораки и да се јавувате за да добиете одговор на какво и да е прашање кое сте му го поставиле… почекајте времето да работи за Вас. Во прво време тој нема да забележи но штом забележи ( 1 до 2 дена) верувајте Вие ќе бидете оние кои ќе ја превзема контролата во свои раце.

2. Излезете со пријателките

Колку пати Ви се случило да имате огромна желба да имате убава романтична вечер со својот партнер а тој во заден момент Ви откажува… затоа што се договорил со пријателите да… Затоа наместо Вашите планови да се ориентирани според него, направете сопствени планови и уживајте во слободата која ја дозволува врската. Ако е „нормален„ Вашиот партнер тогаш по 2 – 3 излегувања со пријателките, тој дома ќе Ве дочека со романтичен поклон или вечера.

3. Одморете по јадењето

Мажите по оброкот сакаат да ги истегнат нозете, а повеќето жени се „нацртуваат“ пред лавабото да ги средат извалканите садови од оброкот. Следниот пат најадете се и веднаш „населете“ го најубавото место за одмор во Вашиот дом или малку „позлобно“ неговото омилено место!!! Попатно со нежен глас дофрлете му дека дошло неговото време да ги среди садовите… Ќе бидете изненадени… и немојте да се премислувате и да се прашувате дали тој добро ќе ја заврши едноставната работа.

4. Во креветот мислете на себе !!!

Следниот пат кога ќе водите љубов, однесувајте се како вистински маж… Мисли на себе и своето задоволство, земи го она што ти е потребно и секако заспиј по добрата забава. Може ќе делуваш себично но тоа е и целта… нека се подзамисли што ќе стори наредниот пат!!!