За жал повеќето лекции за љубовта ние жените ги учиме по цена на многу болка, солзи и разочарување. А реално од сето ова би можеле да се поштедиме. Како? Единственото што треба да го правиме е да го слушаме срцето! Не предрасудите, не нечии морални принципи, не евентуалните настани во една маглива и несигурна иднина. Ако ставиме на страна се што е општоприфатено и што влијае на нашата проценка и навистина се заслушаме длабоко во своето срце, тоа ќе ни каже дека…
Не троши ја залудно љубовта на мажи кои не ја заслужуваат. Зошто таа треба да биде чиста, взаимна и да те прави среќна. Се различно од ова, не вреди за трудот, времето и вложените емоции.
Можеш да покажеш на еден маж колку си специјана, но не можеш да го натераш да те засака. Добриот впечаток, привлекувањето и страста се различни чувства од љубовта.
Кога навистина сакаш некого, ти ќе почувствуваш. Ако има потреба самата себе да се убедуваш дека треба да бидеш со даден маж, најдобро е да ставиш крај на тоа што поскоро.
Кога еден маж ти вели дека не е спремен за сериозна врска, послушај го! Тоа не е предизвик за да докажеш дека ти си жената поради која тој ќе го смени своето мислење.
Да ја изразиш љубовта е една од најголемите радости во животот. Затоа немој да бидеш со маж кој не сака да се прегрнувате, бакнувате и допирате. Без разлика какви причини дава за тоа!
Ти сама не можеш да го смениш човекот до тебе. Но начинот на кој го сакаш, можеш!
Врската не е местото каде постојано треба да докажуваш колку умна, силна и добра си. Таа треба да биде местото каде слободно можеш да паднеш и да знаеш дека има кој да ти помогне.
Не е љубов кога некој со начинот на своето однесување сака да ти предизвика болка.
Животот е премногу краток. Затоа не губи го своето време со несоодветни мажи. Како ќе знаеш дека не се вистинските? Слушај ме мене, твоето срце, јас никогаш нема да те излажам…
You must be logged in to post a comment Login