Популарно видео на TikTok кое ги охрабрува младите луѓе да ги избелат забите на овој начин
Еден од најновите трендови за убавина на популарната социјална мрежа „ТикТок“ се видеа во кои тинејџерите тријат заби со белило за да добијат светла насмевка.
На едно вакво видео, кое има постигнато повеќе од 15 милиони прегледи, девојчето објаснува дека самата купува хидроген пероксид, бидејќи тоа е главната состојка во лентите за белење на заби.
Можеме да видиме како таа става водород пероксид на забите со помош на чепчиња за уши и објаснува дека престанала да го прави по четири дена затоа што резултатите биле толку „добри“. Од кога излезе тоа видео, има огромно зголемување на продажбата на водород пероксид.
Сепак, стоматологот предупреди дека овој тренд на „ТикТок“ може да предизвика сериозно оштетување на забите на младите луѓе.
Д-р Кунал Пател од стоматолошка ординација во Велика Британија вели:
- Употребата на водород пероксид или белило во најдобар случај ќе доведе до болна чувствителност на забите. Во најлош случај, високите концентрации може да доведат до сериозни изгореници во внатрешноста на устата и на непцата. Може да резултира и со губење на забите – предупреди д-р Пател.
Иако резултатите може да изгледаат задоволителни во моментот, тој вели дека примената на белење на забите може да предизвика болка, а проблеми каде поправката ќе чини мало богатство.
Ако ги купите овие супстанции, како што се водород пероксид, на Интернет, тие можат да бидат многу посилни и поконцентрирани од оние што се купуваат во аптека. Затоа постои реален ризик од изгореници и оштетување на забите – изјави д-р Пател за британскиот портал „Метро“.
Лекарот објаснува дека, поради опасностите од извршувањето, белењето на забите секогаш треба да го прави вашиот стоматолог.
