Синоќа се одржа 64-тото доделување на Греми наградите кое за прв пат се одржа во Лас Вегас и кое обедини многу лица од светот на музиката, филмот и театарот. Освен по гламурозните изданија на познати гости, таа ќе остане запаметена и по достигнувањата на одредени уметници, но и по обраќањето на украинскиот претседател Володимир Зеленски. Мултижанрниот уметник Џон Батист триумфираше со освојувањето на наградата за албум на годината, а ар-ен-би дуото Silk Sonic донесе две од најголемите признанија. За најдобар нов изведувач беше прогласена Оливија Родриго, а претседателот Зеленски ја повика публиката на кој било начин да ги поддржи Украинците…
По тримесечно одложување поради пандемијата, синоќа се одржа 64-тото доделување на Греми наградите. Поради зголемувањето на бројот на позитивни случаи на Ковид-19, таа беше преместена од Лос Анџелес во арената MGM Grand Garden во Лас Вегас.
Американскиот мултижанровски уметник, 35-годишниот Џон Батист ја доби најважната награда на вечерта, онаа за албум на годината. Неговиот албум „We are“ беше инспириран од движењето „Black Lives Matter“. „Верувам во тоа до срж. Креативната уметност е субјективна, „само ја спуштам главата и работам секој ден“, рече Батист.
R&B дуото, во кое настапуваат Бруно Марс и Андерсон, ја освои наградата за песна и плоча на годината за нивниот хит инспириран од 1970-тите „Leave the door open“.
Оливија Родриго, 19-годишна пејачка која дебитираше со синглот „Drivers License“, беше прогласена за најдобар нов изведувач. „Ова е мојот најголем остварен сон. Ви благодарам многу!“, рече пејачката при примањето на трофејот.
Други добитници на 64- Греми награди:
Албум на годината: Џон Батист – „We Are“
Песна на годината: Silk Sonic – „Leave the Door Open“
Најдобра поп/дуо изведба: Doja Cat ft. СЗА – Kiss Me More
Најдобар поп албум: Оливија Родриго – Sour
Најдобар R&B албум: Jazmine Sullivan – Heaux Tales
Најдобра рап изведба: Baby Keem – Family Ties
Најдобар нов изведувач: Оливија Родриго
Песна на годината: Silk Sonic – Leave the Door Open
Најдобар кантри албум: Крис Стејплтон – Starting Over
Најдобра поп изведба: Оливија Родриго – Drives licence
Најдобар „танц“ / електронско снимање: Rüfüs Du Sol – Alive
Најдобар „танц“ / електронски албум: Black coffe – Subconsciously
Најдобра рок песна: Foo Fighters – Waiting on a War
Најдобар рок албум: Foo Fighters – Medicine at Midnight
Најдобра рап песна: Канје Вест со Џеј Зи – Jail
Најдобар рап албум: Tyler The Creator – Call Me If You Get Lost
Наградата Греми, основана во 1959 година, е годишна награда за исклучителен придонес во музичката уметност и дискографијата, што ја доделува НАРАС, Американската академија за уметност и наука.
