Спротивно на очекувањата, Xiaomi ќе го претстави својот прв автомобил веќе оваа година.
Додуша, ќе биде прототип, но наводно целосно функционален, што е изненадување со оглед на тоа што компанијата ги објави своите намери во автомобилскиот свет пред нешто повеќе од половина година. Премиерата е закажана за август годинава, дознава Сина Тех.
Според досегашните информации, зад дизајнот на првиот Xiaomi на четири тркала стои Shanghai HVST Automobile Design, кој веќе има многу успешни дизајнерски решенија зад себе. Само се претпоставува дека може да личи на нивниот концепт WM Maven.
Програмата за развој на автомобили започна во март минатата година и беше најавено дека во проектот првично се инвестирани 1,5 милијарди долари, а во следните 10 години ќе бидат инвестирани уште 10 милијарди долари. Фабриката ќе биде отворена во Пекинг со помош на партнери, а откако ќе биде завршена ќе има годишен капацитет од 300.000 автомобили.
Се очекува производството да започне во 2024 година. Xiaomi планира да лансира вкупно четири модели.
