Тјунер кој поправаше се што е можно од BMW, одеднаш работи на Mercedes.Повеќе од 35 години мајсторите од G-Power го покажуваат своето знаење и искуство со поместување на границите на веќе силните автомобили. AMG GT и GT S очигледно ги привлекоа како магнет бидејќи штотуку претставија креација која е поекстремна од најмоќната верзија – AMG GT R со 577 КС.Софтверското зајакнување на Bi-Tronik 5 ја зголеми моќта на овој автомобил до неверојатни 610 КС. AMG GT S има 503 КС, а „обичниот“ AMG GT 462 КС, па оваа промена секако е добредојдена. Забрзувањето е намалено на само 3,6 секунди до 100. Покрај тоа, новиот модул обезбедува поголема агилност во кривините. Се поврзува со основниот мотор и ги менува податоците во копроцесорот, се за подобра контрола на возачот и самодоверба.
За да се заштити моторот од несаканите ефекти на вбризгување на електричен стероид, софтверот е програмиран да ја одржува моќноста на почетните нивоа додека не се постигне оптималната температура на маслото на моторот. Потоа го исклучува вентилот за напојување кога температурата на водата ќе ја надмине максималната граница.
Визуелните промени на овој секси модел не се неопходни, додадени се само комплет G-Power ултралесни бандажи Hurricane RR кои се достапни во различни бои. Во исто време, тие даваат дополнителна помош со стабилност и подобро забрзување. Предниот сплитер е изменет и поставени се прагови на G-Power. Можеби промените не се огромни, но квалитетот е врвен.
