Водечкиот европски производител на мотоцикли KTM и светски познатиот германски бренд BRABUS го претставија новиот BRABUS 1300 R EDITION 23.
Овој исклучително ексклузивен мотоцикл е достапен во две бои (црна и сива) „Superblack“ и „Stealth Grey”“ и ќе биде ограничен на 145 единици од секоја варијација на бои. BRABUS 1300 R Edition 23 изгледа слично на оригиналот, освен неколку модификации во форма на дополнителни компоненти од јаглеродни влакна.
BRABUS 1300 R Edition 23 е опремен со KTM 1290 SUPER DUKE R EVO V-Twin мотор кој развива 177 КС при 8.000 вртежи во минута.
Оваа премиум конфигурација нуди одлична испорака на енергија, додека издувните гасови со двојни цевки BRABUS го истакнуваат својот масивен звук.
Новиот мотоцикл се наоѓа на ковани тркала BRABUS Monoblock Z направени со најсовремени производствени процеси. Тркалата се нудат со комплетно нов финиш во (платино црно)„Platinum Black“ за да се обезбеди препознатливиот изглед на BRABUS како и максимална цврстина.
Технологијата на полуактивна суспензија VP го претвора овој луксузен мотоцикл во агилен ловец со притискање на копче.
Удобноста при возење е благодарение на најновата технологија за полуактивна суспензија WP APEX. Достапни се пет поставки кои се Comfort, Street, Sport, Track и Advanced. Исто така, можно е да се избере Auto mode, во кој мотоциклот ја „избира“ најдобрата поставка.
По цена од 42.500 евра, сите 290 мотоцикли ќе бидат достапни исклучиво преку онлајн нарачка.
