Бројот на продадени копии на ефтиниот кинески електричен автомобил со цена од 4500 долари, го надмина бројот на продадени автомобили Тесла во Кина.
Овој многу компактен автомобил се покажа како вистински мал хит и му донесе голем приход на кинескиот производител на автомобили, SAIC Motor. Hong Guang Mini EV со значката Вулинг во Кина, се произведува во соработка со американскиот производител на автомобили Џенерал моторс.
Според „Autoblog“, само минатиот месец, бројот на продадени автомобили е двојно зголемен во споредба со продадените автомобили Тесла.
Иако најпопуларниот модел е за 4500 долари, со доплата од околу 500 американски долари, можете да добиете модел кој има вграден систем за климатизација.
Според експертите, иако заостанува зад Тесла според опсегот затоа што со едно полнење надминува само 160 км (но, сосема доволно за низ градот), квалитетот и големината, мал електричен автомобил го надоместува тоа според цената и големината .
Поради својата големина, автомобилот може да се паркира насекаде и е практичен за големите и преполни кинески градови.
Малото електрично ЕВ продаде 25.778 парчиња само во јануари, додека Тесла, за споредба, продаде 13.843 парчиња.
Иако има голема разлика во бројот на продадени автомобили, продажбата на електрични автомобили од висока класа е во пораст во Кина, каде Тесла лани дури ја удвои продажбата.
