Кинеската технолошка компанија специјализирана за електронска трговија Алибаба е полна со секакви чуда и на неа може да се најде сè, од игла до локомотива по релативно поволни цени. Електричниот мини џип привлече внимание и на многумина.
Поточно, тоа е копија на американскиот модел Willys Jeep од Втората светска војна во толкувањето на кинескиот бренд Haobo, која има 1,2 kW мотор и доаѓа со 60 V литиум-јонска батерија, со која можете да патувате до 80 километри одеднаш.
Секако, електричната кинеска верзија нема перформанси на оригиналното американско воено возило, а достигнува максимална брзина од 40 километри на час. Иако визуелно наликува на џип, тоа е многу помал од оригиналот – се наоѓа некаде на половина пат помеѓу играчка и вистинско возило.
И покрај тоа, внатрешниот простор на автомобилиот е за две лица, односно има максимална носивост од околу двесте килограми.
Неговата најголема предност? Ниската цена на возилото! Електричниот џип Haobo на Алибаба се продава по цена од само 1.100 евра или 67.720 денари, додека цената на оригиналот е до 25 пати поскапа. И тоа не е ни најевтиниот модел на страницата!
Цената на возилото се менува во зависност од желбите и можните надградби, но и од местото каде што се испорачува. Автомобилот, се разбира, треба да се испорача од далечна Кина, за што ќе издвоите неколку илјади денари.
Или така, тврди американската страница Electrekco, која размислува да купи еден модел и да го тестира за своите читатели.
