Во светот на филмските автомобили, името Eleanor е – свето! Уште од неговото прво појавување во филмот „Gone in 60 Seconds“ („Исчезни за 60 секунди“) од 1974 година, славниот Форд Мустанг привлече внимание со својот изглед, но со статусот на икона стекнато само во римејк филмот од 2000 година.
Во тоа време е претставен специјален модел базиран на моделот од 1967 година, и иако сите мислат дека станува збор за вистински Shelby GT500 – тоа не е точно, бидејќи Eleanor се базира на обичен Mustang.
Се разбира, постои цела постапка за тоа кои има право на име и дизајн, а законски му припаѓа на лице по име Дениз Халики. Нејзиниот сопруг Ејџ Би, го снимил оригиналот „Gone in 60 Seconds“, а кога починал во 1989 година, правата автоматски ги наследила Дениз.
Таа ги тужела секој што го копирал стилот и името на автомобилот во минатото, а меѓу „жртвите“ била и легендарната Керол Шелби. Неговата фирма, Shelby American, сепак, најде начин да ја искористи „дупка во законот“ без никаквни тешки последици.
Имено, компанијата Classic Recreations е една од ретките што има лиценца од Дениз, за производство и продажба на копии од Mustang Eleanor. Но, таа компанија не ја извршува целата работа сама, па имала многу партнери. Школката на автомобилот, на пример, е произведена од SpeedKore, и сè започнува повторно со Mustang од 1967 или 1968 година.
Оваа специјална верзија има многу делови изработени од лесни материјали, како што е пластика зајакната со јаглеродни влакна, што ја намалува тежината на возилото за 270 килограми. Ова значи дека вкупната тежина на овој автомобил е нешто повеќе од еден тон, така што нема сомнение дека перформансите ќе бидат фантастични.
За моторот се погрижи Shelby American. На модерниот форд 5,0-литарски бензинец V8, тјунерот додаде компресор и ја зголеми моќноста на дури 810 „коњски сили“. Исто така, постои долг список на модификации во однос на суспензијата, сопирачките, безбедноста и многу повеќе. Classic Recreations не сакале да навлегуваат во детали освен да наведат дека силата ќе се пренесува на задните тркала преку шестстепен мануелен менувач.
Откако Classic Recreations го составиле крајниот производ, тој ќе добие и етикета Shelby, бидејќи оваа компанија е сè уште најголемото име меѓу оние кои работат на Eleanor. Понудата ќе биде ограничена на само 25 примероци, а задоволството да се возат во култниот филмски автомобил, најбрзите среќници ќе ги чини – 298 000 американски долари.
