Tesla привремено ќе го прекине производството на Model S и Model X во својата фабрика во Калифорнија, а работниците се охрабруваат да волонтираат во компанијата тој период.
Американскиот производител на електрични автомобили најави дека ќе ја запре фабриката во која се произведуваат Model S и Model X во периодот од 24 декември до 11 јануари.
Компанијата не објави причината за прекин на производството, но се верува дека привременото прекинување на работата има врска со послабите продажни резултати на овие модели во последно време.
Имено, во третиот квартал на 2020 година, Tesla испорача вкупно 15.200 примероци од Model S и Model X, додека продаде вкупно 139.300 автомобили. Во тој период, поевтините модели 3 и Y беа далеку најбараните.
Сајтот Engadget исто така претпоставува дека дел од потенцијалните купувачи на Model S ја чекаат новата одлична верзија на Plaid, која на пазарот ќе пристигне во 2021 година.
Илон Маск не крие дека целта на компанијата е да испорача 500.000 возила во 2020 година, но се чини дека овој резултат е тешко да се постигне, бидејќи продажбата во последниот, четвртиот квартал од оваа година треба да достигне 181.600 единици.
Работниците вработени во производството на Model S и Model X беа замолени да земат 5 неплатени слободни денови за претстојниот неработен период, покрај платените денови за Божиќните и новогодишните празници.
Покрај тоа, им е понудена опција, ако сакаат, да се обидат да најдат привремено вработување во други оддели на фабриката во Фремонт за тој период.
CNBC известува дека работниците дури биле охрабрени да волонтираат во Тесла во тој период и да помогнат во испораката на нови возила до клиентите.
