Погледнете како Bugatti го најави новиот автомобил…

ГОЛЕМОТО деби ќе се случи на 19 овој месец во Quail, собир организиран како дел од Неделата на автомобили во Монтереј.

Bugatti не открива многу, но описот на најавата звучи дека овој автомобил ќе биде доста значаен. Имено, видеото на кое се гледа само задното светло во форма на V не открива многу, но затоа е придружено со описот „последниот автомобил од ваков вид“.

THE LAST OF ITS KIND
19 AUGUST 2022 | 10:20 PDT (17:20 GMT)
THE QUAIL, A MOTORSPORTS GATHERING#BUGATTI #MontereyCarWeek #TheQuail @TheQuailEvents pic.twitter.com/OGCMmXrAXE

— Bugatti (@Bugatti) August 16, 2022

Со оглед на моменталната електрификација, работите се прилично јасни за овој мистериозен автомобил. Ова е веројатно последниот дериват базиран на Chiron и последното Bugatti во чист октански облик, без електрична помош. Сè потоа ќе биде под силно влијание на новото раководство на компанијата, кое веќе се одлучило за електрификација. Прашање е само колку тоа ќе влијае на наследникот на Chiron.

Chiron и сите негови верзии се распродадени, а наследникот најверојатно ќе треба да почека до 2024 година, кога ќе биде првпат претставен.