Конечно го добивме, првиот автомобил со екран однадвор.
Истиот е потпишан од General Motors, а неговото целосно име е моделот Baojun Yep. Електричниот автомобил е создаден во партнерство поддржано од SAIC-GM-Wuling, а беше претставен уште во февруари. Меѓутоа, сега доби додаток кој предизвика интерес низ целиот свет.
Новите официјални фотографии од овој сладок мини кросовер со електричен погон откриваат нов детал. Покрај тоа што е првиот електричен автомобил во класата на минијатурни модели kei со опција за возило за испорака,Yep е и првиот што доби интерактивен екран одзади.
Се вели дека е инспириран од паметните часовници, па оттука и името Car-Watch. Станува збор за интерактивен модул сместен помеѓу задните светла, а долу е панел со димензии 1050 mm x 260 mm што симулира лента за часовник. Форматот го следи дизајнот на Apple Watch, а има димензии од 300 x 256 mm.
Car Watch е наменет првенствено за помлади сопственици кои се и активни корисници на социјалните мрежи. Покрај разновидна графика и текст, на екранот може да се проектира и видео материјал, со што ќе се овозможи комуникација со минувачите.
Внатрешноста на возилото се уште не е откриена, а првите примероци на патиштата би требало да пристигнат во јуни. Ваквите возила со минијатурни димензии, со не премногу моќен погон и со малку скромен капацитет на батеријата, се исклучително популарни во Кина, пред се поради нивната многу пристапна цена. Минијатурата на Wuling како еден од најевтините модели во Кина е на самиот врв на листата на најпопуларни модели.
