Ново Mini е уловено на улиците на Лос Анџелес.Се чини дека станува збор за снимање на промотивни материјали, што го потврдуваат и бројни возила со вградени камери кои се забележани во близина, пишува Motor1. Во меѓувреме и Mini реши да објави неколку фотографии во јавноста, но без никакви дополнителни информации.
Единственото нешто што е сигурно е дека се работи за електрична верзија. Ќе се нудат две верзии на батерии, со 40 и 54 kWh, а планирани се и неколку верзии на моќноста на електричниот погон, од 181 до 215 КС. Да кажеме и дека Mini придвижуван од конвенционален погон останува во понудата, а ќе има посебна основа.
