Новиот електричен автомобил од Германија чини околу 100.000 евра.
Taycan Cross Turismo е попрактична верзија на Porsche Taycan, кој се продава од 2020 година. Новиот модел може да се класифицира како караван според обликот на каросеријата, и е за 20 мм повисок од стандардниот Taycan.
Porsche играше и на картата за популарност на кросоверот, нудејќи им на клиентите опционален пакет заштитни елементи на долниот дел од возилото, карактеристичен за „crossover“ автомобилите.
Покрај тоа, Taycan Cross Turismo има таканаречен „Gravel“ режим или мод, дизајниран за возење надвор од патот, што дополнително го подигнува возилото благодарение на специјалната суспензија, обезбедувајќи поголем растојание од земјата.
Патем, електричниот караван е опремен со систем за воздушна суспензија и погон на сите тркала како стандард, благодарение на конфигурацијата што се состои од два електромотори.
Автомобилот е поставен на исклучиво дизајнирани тркала со дијаметар од 19 или 20 инчи, во зависност од верзијата.
Електричната енергија се чува во батерија со капацитет од 93,4 kWh, а основната верзија, Taycan Cross Turismo 4, има 380 KS (280 kW), и со „boost“ режим со максимални 476 КС (350 kW).
Автомобилот забрзува од 0-100 км на час за 5,1 секунди, додека максималната брзина е 220 км на час.
Автономијата на возење се проценува на 389-456 км, според стандардот WLTP.
Porsche Taycan Cross Turismo пристигнува во салоните во текот на летото, а почетната цена во Германија е 93.935 евра.
