Ако го занемариме дизајнот на овој автомобил, бидејќи за вкусовите не треба да се разговара, останува дилемата на која категорија возила припаѓа Palladium?
Малку заликува како супер луксузен автомобил, како Rolls-Royce, но не е класичен седан.
Има зголемен клиренс, но не е ниту теренец.
Во задниот дел, тој го крие просторот за багаж, кој може да се извлече како фиока, па затоа нешто наликува на скратен пикап.
Aznom Palladium е малку од сè. Производителот ја нарекува и „хипер лимузина“ што е во состојба да се движи „на сите терени“ благодарение на погонот на сите тркала.
Овој, благо речено, необичен автомобил е заеднички проект на компаниите Aznom Automotive и Camal Studio и носи луксуз во комплетно нов пакет.
Возило од дури 6 метри, со преден дел што потсетува на Rolls-Royce, сигурно ќе биде впечатлив феномен на асфалтот, но и надвор од него.
Можеби однапред наликува на Rolls-Royce, но „Aznom Palladium“ е базиран на популарниот камион американски „Ram 1500.“.
Под хаубата се наоѓа 5,7-литарски V8 со два турбо полначи. Моторот произведува 710 КС (522 kW) и 950 Nm.
Силата се пренесува на сите 4 тркала преку 8-степен автоматски менувач, а возилото е во состојба да забрза од место до 100 km / h за само 4,5 секунди, пред да достигне максимална, електронски ограничена 210 km / h.
Ова забрзување е навистина за почит, особено ако се знае дека Aznom Palladium има маса од 2.650 кг.
Во спротивно, возилото би било уште потешко доколку не се користат материјали од јаглеродни влакна и алуминиум за многу делови од телото.
За да може автомобилот безбедно да застане по силното забрзување, се користат сопирачки Брембо на 22-инчни тркала. Напред се вентилациони дискови со дијаметар од 408 mm, додека на задниот дел се 380 cm.
Aznom Palladium ќе се произведува во многу ограничена серија од само 10 примероци, а клиентите ќе можат да го опремат своето возило по желба, вклучително и персонализација до најмалите детали.
Засега не се зборуваше за цената, но со оглед на ексклузивната, се очекува сума од седум цифри.
Богатите колекционери од Кина, Русија, САД веќе се приклучија во редовите, а пред се од Блискиот исток, што е вистинска „Мека“ за вакви автомобили.
