Уникатниот Ghibli SS е конструиран една година пред оваа варијанта да започне со производство….
Искусните колекционери знаат дека само неколку работи можат да се споредат со првата копија на омилен модел или бренд. Сепак, постојат примероци кои датираат уште пред првите модели, а ова се таканаречените пред-сериски варијанти.
Еден ваков автомобил сега е на продажба на германскиот веб-сајт Koch Klassick – пред-сериски Maserati Ghibli 4.9 SS од 1968 година. Не е прототип, туку уникатна брза машина, која е конструирана цела година пред да започне производството на варијантата со високи перформанси и да го редефинира светот на автомобилизмот каков што го знаеме.
За прв пат претставен за време на салонот во Торино во 1966 година, Ghibli беше одговорот на Maserati на моделите Grand Tourer на нивните италијански конкуренти, Ferrari и Lamborghini. Моделот доби елегантен, издолжен дизајн потпишан од Џорџето Џуџаро и 4,7-литарски V8 мотор кој произведува 310 коњски сили под хаубата. Автомобилот е вистински подвиг на дизајнот и инженерството, но по неколку години на пазарот, познатиот бренд реши да лансира уште помоќна варијанта. Тогаш на сцената се појави Ghibli 4.9 SS. Со закажано лансирање во 1969 година, варијантата со високи перформанси доаѓа со 4,9-литарски V8 мотор, кој може да развие дополнителни дваесет коњски сили и максимална брзина од 270 километри на час, станувајќи најбрзото улично-легално Maserati досега направено.
Овој модел за пред-производство е конструиран една година пред да започне сериската варијанта и тој го поврза својот моќен погон со стандардната внатрешност на Ghibli. Однадвор е финиширан со Verde Gemma зелена боја, а црна кожа одвнатре. GT и денес е во одлична состојба, иако никогаш не бил обновен. Промени двајца сопственици откако му е доставен на неговиот сопственик во Соединетите држави во 1968 година, а исто така помина извесно време во автомобилскиот музеј Брукс Стивен, пред да го најде патот до Германија и сегашниот сопственик во 2010 година.
Како што се очекуваше, страницата Koch Classic не ја претстави цената на овој модел, но ќе ви ја даде по барање. Врз основа на бројката на која се продаваат беспрекорни примероци слични на него – 4,2 SS Spider е продаден во 1972 година за повеќе од 750 000 долари минатата година, веруваме дека ќе биде скапоцен.
