Речиси 50 години Мерцедес беше службен автомобил на германските канцелари.
Познато е дека поранешната германска канцеларка Ангела Меркел го користела Audi A8 L Security за протоколарни државни работи, но новиот канцелар Олаф Шолц избрал потрадиционална опција – Mercedes S-Class.
Како и многу негови претходници, и Шолц се одлучи за производител на автомобили од Штутгарт, а тој е вистински „тенк“ на тркала, кој овозможува најголема можна безбедност и луксуз во едно – Mercedes S680 4Matic Guard.
Станува збор за најновата генерација на еден од најпрестижните седани, а Гардот значи дека возилото е специјално заштитено со челични плочи во специјализираната работилница на Мерцедес во Баден-Баден, каде што се додадени околу два ипол тони „штитови“ за максимална заштита на корисникот.
Тенкот на Шолц има највисоко ниво на цивилна заштита VR10. Со тежина од 4,2 тони, моделот Guard е двојно поголем од стандардната верзија, а само шофершајбната, која секако е отпорна на куршуми, тежи 120 килограми. Додека производството на стандардниот Mercedes S680 трае околу 50 часа во фабриката, варијантата Guard е рачно изработена цели 50 дена.
