Еден од најпознатите спортски автомобили што излегле од фабриките на Форд во Европа може да ја доживее својата реинкарнација за 21 век.
Легендарниот Ford Capri, чии три различни генерации беа произведени помеѓу 1968 и 1986 година, повторно може да се најде на производните линии на фабриката во Келн.
Рецептот на кој е создаден Capri, спортската издржливост и агилноста при возењето, во комбинација со елегантниот дизајн на издолжената линија на каросеријата, беа рецепт за успех, што овој производител има намера да го повтори.
Автомобилот што е создаден и стана познат како „европски мустанг“, иако бил создаден потполно независно од легендарниот американски „братучед“, сега конечно би можело да се поврзе со него.
Германскиот Auto Bild, кој го претстави можниот изглед на Capri за 21-от век на својот канал на YouTube, наведува дека модерната верзија на легендарното „fastbek“ купе може да се базира на сегашниот електричен модел Mustang Mach-E, што Ford го произведува во Америка.
Доколку се случи тоа, сигурно ќе биде многу интересно да се види како по повеќе од пет децении ќе изгледа враќањето на легендарното купе во електрично издание.
