Култниот Мерцедес-Бенц 600, еден од винтиџ автомобилите на „кралот на рокенролот“ Елвис Присли, е понуден на продажба.
Купен е во 1970 година, за 15.500 американски долари и доставена на адресата – Грејсленд во Мемфис. Служел верно неколку години, а потоа како подарок го добил пријателот на Присли, Џими Велвет.
Наместо да стане дел од постојаната изложба на музејот на легендарниот уметник, автомобилот е продаден по неговата трагична смрт.
Напреден модел
Поминале децении, а Мерцедесот ги менувал сопствениците. Последен пат е во 2002 година, пренесува порталот Motor Authority.
Луксузниот автомобил се напојува со 6,3-литарски V8 мотор (300 КС), а силата се пренесува преку 4-степен автоматски менувач.
Во тоа време, тоа било напреден модел со хидраулична суспензија и посебни (предни и задни) контроли на климатизацијата.
Елвис Присли поседувал голем број автомобили, вклучувајќи го и БМВ 507 купено за време на воената служба во Германија. Неговиот Мерцедес 600 е понуден за 167 000 американски долари.
