Скулптурата Spirit Of Ecstasy, еден од симболите на луксузната марка автомобили Ролс-Ројс, не смее да биде осветлена според европските правила, па затоа сопствениците на автомобили со оваа опција ќе мораат да ја сервисираат за да имаат инсталирано обична, сребрена фигурина.
Сопствениците на Ролс-Ројс, сегашни и идни, во Европската унија би можеле да станат прилично незадоволни по одлуката на Европската комисија дека нивните скапи автомобили не смеат да имаат еден скап луксузен додаток на капакот на моторот. Имено, според правилата на ЕУ за загадување на светлината, Ролс-Ројс уште во февруари минатата година беше информиран дека не смее да поставува особено луксузна LED-осветлена фигура на своите автомобили, што не е ништо помалку од заштитен знак.
Spirit of Ecstasy, или како што некои ја нарекуваат Летечката дама, е веројатно најпознатиот симбол на оваа луксузна марка и се наоѓа на самиот врв на хаубата на автомобилот Ролс-Ројс. Со цел да се додаде допир на луксуз, тој може автоматски да се „скрие“ под хаубата ако некој се обиде да го скрши, а во некои опции, на клиентите им се нуди специјално осветлена фигурина. Доплатата за оваа опција при купување на нов Ролс-Ројс е занемарлива 3.500 фунти, а сега британскиот производител во ЕУ веќе не смее да го нуди.
Да бидат работите уште полоши, ЕУ исто така бара да се отстрани светлосната фигурина или да се оневозможи осветлувањето од сите постојни модели. Оваа скоро неразбирлива одлука на бирократијата на ЕУ во Велика Британија, како што се очекуваше, наиде на неодобрување, а медиумите заклучија, во типичен островски стил, дека е „добро што се решија за Брегзит“.
ЕУ останува немилосрдна, па според регулативата бр. 48 „за хомологација на возила во врска со инсталирање на уреди за осветлување и светло сигнализирање“, вели дека таков украс на хаубата не е дозволен. Ролс-Ројс ќе им понуди на сопствениците на возила поврат на оваа дополнителна опција, замена со сребрена фигурина или некој друг додаток со иста вредност.
