Роналдо моментално се одмара со семејството на Мајорка каде пристигна со цел тим од помошници и телохранители. Додека се движел во колона,еден од автомобилите бил учесник во сообраќајна несреќа кога еден од телохранителите изгубил контрола над возилото.
Работите да бидат уште полоши, тоа беше Bugatti Veyron Grand Sport Vitesse. Зад воланот наводно бил еден од телохранителите кој со премногу гас влегол во свиокот, изгубил контрола над возилото и завршил во ѕид. Во несреќата нема повредени, а причинета е материјална штета. Најмногу настрадала совозачката страна на автомобилот.
Според Дејли Мејл, телохранителот го продолжил патувањето во конвојот, а друг член на персоналот останал со автомобилот да ја чека полицијата и да обезбеди отстранување на автомобилот. Автомобилот на крајот бил покриен со сина церада и влечен од местото на несреќата.Засега не се знае кој точно го возел автомобилот, но се претпоставува дека се работи за еден од браќата Рамалхеиро. Серхио и Хорхе служеле во специјалните сили во Авганистан, а по враќањето биле ангажирани како лични телохранители на 37-годишниот фудбалер.
Ronaldo´s super car has Mallorca accident – Majorca Daily Bulletin https://t.co/s3qcnxqCVI pic.twitter.com/5Gt1zfMpdL
— Win a Supercar (@supercarcomp) June 20, 2022
Да потсетиме, Veyron 16.4 Grand Sport Vitesse е роудстер верзија базирана на Super Sport, а го придвижува моќниот W16 мотор со 1.200 КС. Тој остана запаметен како најбрзиот и најсилниот родстер во светот. Роналдо е познат по својата богата колекција на автомобили во која посебно место имаат автомобилите на Bugatti.Дури и се споменуваше дека Роналдо е купувач на Bugatti La Voiture Noire, некогаш најскапиот нов автомобил во светот.
