Кога размислувате за летечки автомобили, веројатно замислувате автомобил со нормален изглед … но во воздух. Сепак, што ако летечките автомобили на иднината повеќе личат на животните од кои биле инспирирани?
Дизајниран од PHRACTIL, Macrobat е таканаречено „лично летечко возило“, кое наликува на мал хеликоптер. Именуван по лилјак, но креиран по модел на птица, неговите пронаоѓачи се надеваат дека возилото би можело да биде иднината на воздушниот сообраќај.
Не само што изгледа исклучително футуристички, туку е и еколошки: PHRACTIL вели дека возилото ќе биде 100 проценти одржливо. Дури и со сегашните нивоа на моќност на батеријата, ќе има опсег од 150 километри, носивост од 150 килограми и максимална брзина од 180 километри на час.
Macrobat „стапалата“ како канџи треба да функционираат добро на речиси секој терен, додека може да постигне и „речиси вертикално“ полетување и слетување – со други зборови, не му треба хелиодром или писта.
PHRACTIL предвидува дека Macrobat ќе се користи за рекреативни цели, но и за медицински, земјоделски и услуги за испорака. И додека тоа е возило со едно седиште кое може да го управува неговиот сопственик, теоретски може да се управува и од далечина како дрон.
Некои од вас можеби мислат дека Macrobat, бидејќи е толку мал и налик на птица, изгледа малку опасно. Сепак, тоа не е. Благодарение на малата каросерија на возилото и обликот на неговите крила, PHRACTIL вели дека може да лета со екстремно мали брзини (и така е многу лесно да се контролира).
Засега Macrobat се’ уште е во теоретска и инженерска фаза, а допрва треба да се направи комплетен модел.
