Една од најпознатите серии на Нетфликс во 2020 година ќе биде претворен во мјузикл.
Откако постави „стриминг“ рекорд и освои многу награди, хит серијата на Нетфликс „The Queen’s Gambit“ станува мјузикл на Бродвеј.
Level Forward, продуцентската куќа која стои зад филмот „Slave Play“ на Џереми О’Херис и „Jagged Little Pill“ на Аланис Морисет, ги обезбеди правата на романот на Валтер Тевис врз кој се базира серијата.
Минатиот месец, серијата го однесе Златниот глобус за најдобра мини-серија, додека Ања Тејлор-Џој како Бет Хармон ја освои наградата за најдобра актерка на Златниот глобус и Critics’ Choice Awards.
Серијата ја следи шахистката Бет Хармон, која наоѓа успех во нејзината новооткриена вештина, додека се бори против зависноста од дрога. Во серијата игра и Томас Броди-Сангстер како Бени Вотс, натпреварувач во шах и пријател на Бет.
Во изјавата, извршниот директор на Level Forward, Адриен Бекер и продуцентката Џулија Дањец изјавија: „За Level Forward е привилегија да се донесе „The Queen’s Gambit“ на сцената преку саканиот и траен занает на музичкиот театар.“
Инаку, ова нема да биде првиот „шах“ мјузикл. Во 80-тите години на минатиот век, мјузиклот „Chess“ беше исклучително успешен, со приказна сместена околу ерата на Студената војна со музика на Бени Андерсон и Бјорн Улвеус. По многу емисии ширум светот, премиерно е прикажан во Москва пред само неколку месеци, некаде во времето кога The Queen’s Gambit се појави на Нетфликс.
