Најимпресивниот постер во историјата на балканските филмови беше „Битка на Неретва“, премиерно прикажан во 1969 година. Филмот на Веjко Булајлиќ е најскапиот филм снимен во СФРЈ. Сосема соодветно беше долгоочекуваниот филмски постер да го направи еден од најпознатите сликари од 20 век – Пабло Пикасо.
Интересно е што Пикасо во кариерата направил само два филмски постери. Едниот бил за легендарниот филм на Бунуел „Андалузиското куче“, а 40 години подоцна за „Битката на Неретва“. Постерот за филмот беше отпечатен во ограничено издание и секоја копија ја потпиша Пикасо.
„Скопје 63“ е документарен филм на Веjко Булајиќ, кој го освои Гран-при и Златната нимфа во 1964 година, како и Наградата на критичарите на фестивалот во Монте Карло. Тогашниот претседател на жирито, Мерел Ешдар, му покажал копија на филмот на неговиот близок пријател, кај кого престојувал за време на фестивалот – Пикасо. Сликарот бил воодушевен од филмот, па дури и лично му честитал на Булајиќ на затворањето на фестивалот.
Имајќи ја предвид оваа средба, Булајиќ го замолил Пикасо, преку неговиот агент, неколку години подоцна да направи постер за филмот „Битка на Неретва“.
Пикасо најпрво инсистирал на гледање на филмот и внимателно го проучувал. Тој се согласил да го наслика постерот, но под еден услов – сакал да добие дозвола целиот постер да биде црвен.
Меѓутоа, производителите и јавноста испаничиле, не знаејќи дали ќе можат да соберат пари за да платат за работата на големиот Пабло Пикасо. Сепак, Пикасо не сакал пари, тој само побарал да бидат испратени 12 шишиња најдобро вино од Југославија. Тој на плакатот користи дел од својата слика „Киднапирање на Сабињанка“.
Една копија од постерот е во музејот на Југословенската кинотека.
