Еден човек денеска е осуден на 18 месеци затвор за уништување на слика на Пабло Пикасо, вредна 20 милиони фунти, во уметничка галерија во Лондон
Судот објави дека на 28 декември минатата година, Шакил Масеј неколку пати ја удирал сликата со катанец, а потоа ја симнал од ѕидот на галеријата Тејт и ја фрлил на земја.
Масеј (20) признал дека ја уништил работата на шпанскиот сликар „Биста на една жена“ од 1944 година.
Според експертите, поправката на сликата ќе трае до 18 месеци и ќе чини до 350 илјади фунти.
За време на изрекувањето на казната, судијата ги нарече потезите на Масеј обид да се добие слава пет минути.
За време на апсењето, Масеј ѝ рекол на полицијата дека неговата акција е само изведба.
