Никогаш до сега објавени фотографии од венчавката на принцот Чарлс и Дајана (ФОТО)

Објавени по 34 години.

Дајана Спенсер се омажи за Чарлс, принцот од Велс пред 3.500 гости и 750 милиони гледачи ширум светот. Веројатно веќе сте ги виделе познатите фотографии од венчавката, од влегувањето на невестата во катедралата Свети Павле и мавтајќи од балконот на Бакингемската палата.

Она што не сте го виделе се следниве фотографии направени од помошникот на лордот Патрик Личфилд и единствениот неформален фотограф, кому му било дозволено да фотографира на венчавката.

Сликите, кои јавноста никогаш ги нема видено, ја покажуваат пообичната страна на кралското семејство, од Дајана во прегратка со нејзината најмлада деверуша до кралицата Елизабета што ја гледа венчавката на мал телевизор.

Колекцијата од 13 слики сега е испратена на RR Auction’s Remarkable Rarities Auction, што започнува на 17 септември.

Во писмо до помошникот, пишува: „Кралскиот пар ни нареди да направиме неформални и формални фотографии од кралското семејство и нивните поканети гости по церемонијата кога се вратија во Бакингемската палата на свадбен прием. Ова се фотографии кои не беа користени за семејниот албум што Лорд Личфилд им го даде на принцот Чарлс и принцезата Дајана за да го одбележат денот на нивната венчавка “.