Mattel во четвртокот лансираше нова кукла по моделот на легендарната пејачка Тина Тарнер, како дел од колекцијата Signature Music Series.
Познатиот бренд и оддаде почит на музичката икона со своето ново ограничено издание на куклата Тина Тарнер, која беше лансирана во чест на хит-песната „What’s Love Got to Do With It“, добитник на Греми од 1984 година.
Новата кукла Барби има реплика на облеката што ја носеше Тина Тарнер – црн мини фустан, тексас јакна, проѕирни црни хулахопки и црни чевли со високи потпетици. Сепак, најзабележителна карактеристика е косата со волумен и текстура, стил кој пејачката често го носеше тогаш.
„Од млада девојка која пее во нејзиниот хор во селската црква во Тенеси,за покасно да стане неприкосновена легендарна икона и призната „Кралица на рокенролот“, Барби ја слави невидената музичка кариера и патување на Тина Тарнер“, рече Mattel.
Новата кукла на познатата пејачка е најновото дополнување на музичката серија Barbie Signature, која вклучува и кукли на Глорија Естефан, Елвис Присли, Дејвид Боуви и Елтон Џон.
