Lady Gaga повторно се појави во славниот фустан од месо

Тоа значи „ревизија на класиците“ според пејачката!

Лејди Гага продолжува да го привлекува вниманието на јавноста кон претстојните претседателски избори во САД и ги повикува сите Американци да гласаат за својот претпочитан кандидат.

Новото креативно видео е ода, не само на столот за главата на Белата куќа, туку и на нејзините сопствени иконски стајлинзи – на самиот крај на видеото се појавува (за жал) најславната облека во кариерата на sвездата – фустан од месо.

Ако се сеќавате, Гага го носеше овој фустан во 2010 година на MTV Video Music Awards. Истиот „крвав ансамбл“ го создаде дизајнерот Френк Фернандез и предизвика критики и дискусии. Овој пат, се чини дека ткаенината само имитира парчиња месо.

Во предизборното видео е прикажан и иконскиот сребрен изглед кој го носеше на Супер Боул во 2017 година. Има и дел од најпознатите костуми на Гага од музички спотови, од Poker Face до Хроматика.