Forbes објави ранг листа на највлијателните жени на светот

Списанието Форбс ја сподели годишната ранг-листа на највлијателни жени во светот – по 17-ти пат.

Вклучува жени од целиот свет кои имале најголемо влијание во различни сфери на општеството – политика, наука, економија, социјален активизам. Оваа година, за прв пат, на ранг-листата влезе избраниот потпретседател на САД, Камала Харис – и веднаш го зазеде третото место. Германската канцеларка Ангела Меркел беше на врвот по 10-ти пат по ред.

Во престижниот рејтинг се вклучени и извршната директорка на Јутјуб, Сузан Војчицки, ТВ водителката Опра Винфри, кралицата Елизабета Втора, пејачките Ријана, Бијонсе и Тејлор Свифт, актерката Рис Витерспун и многу други.

„Од борбата против пандемијата до реорганизацијата на американската политика, овие моќни жени прават историја“, коментираат авторите за нивниот избор. Сите тие имаат различни позиции, живеат во различни земји и претставуваат различни интереси, но сите имаат едно заедничко – желбата за промена на сегашната состојба.