Велат дека е еден од најатрактивните мажи во светот…
Изминатиов месец латино дивата Џенифер Лопез и нејзиниот сопруг, актерот Бен Афлек ги наполнија сите написи во весниците поради луксузната венчавка што ја приредија во два наврати.
По свадбените веселби, Џеј Ло се врати на деловните обврски и се појави во најновата кампања на очила за сонце за модниот бренд “Dolče i Gabana “ заедно со најбараниот машки модел на денешницата Дејвид Ганди, пренесува „Daily Mail“.
Пејачката откри дека во текот на 2014 година Ганди била нејзина „славна личност“ или симпатија од славните личности.
Таа година, Џеј Ло го избра Ганди да го глуми нејзиното момче за нејзиниот спот „First Love“.– Да имав љубов со славна личност, тоа дефинитивно ќе беше тој – изјавила Џеј Ло во 2014 година и додала дека тој е речиси совршен маж.
Британецот Дејвид Ганди ја започна соработката со модниот бренд „Dolče i Gabana“ уште во 2006 година. Сите го запаметија од рекламата за безвременскиот парфем “light blue”.
Ганди безброј пати бил дел од листата на најсекси мажи во светот, а поради впечатливиот изглед и мускулесто тело е миленик на жените ширум светот.
