Поп ѕвездата продолжува со ретро инспирација во склад со актуелните трендови.
Ѕвездата на новиот филм „Marry me“ покажа склоност кон оживување на ретро трендовите во новата серија фотографии што ги сподели на својот Инстаграм, нагласувајќи го симпатичниот аутфит во стилот на 80-тите.
Лила блузата со долги ракави и нагласено V-деколте во комбинација со темен тексас и ѕвонарки со висок струк. Аксесоарот вклучуваше златни слоеви, од нанижан „choker“ ѓердан, долги зинџирести и различни привезоци, до нараквици, обетки и прстени. Стајлингот го заокружи со сребрени платформи.
Латино ѕвездата во последно време ги преферира трендовите кои доминираа во претходните години, а сега повторно го наоѓаат своето место под модното небо. Неодамна е видена на улична прошетка со нејзината 13-годишна ќерка во комбинезон, што е едно од водечките парчиња за 2022 година, кое носи бохо естетика.
Ѕвонарките се модел кој одговара на сите, а како го носи Џеј Ло погледнете во нашата галерија.
