Латино дивата во последно време е неисцрпен извор на инспирација кога станува збор за есенските облеки. По само неколку дена, кога демонстрираше кафена облека во ИТ бојата на актуелната сезона, нѐ почести со уште една лекција за стил.
Спои маслинесто сако, кое го врза на половината за да ја нагласи (и да даде дополнителен шмек на стајлингот), со малку потемна нијанса во иста боја со свилен макси фустан.
Монохроматскиот изглед го заокружи со чизми со маслинеста потпетица – моделот Jaylah Bootie од сопствената колекција DSW.
Чевлите со врвки ги краси необичен детал во форма на мини џеб од надворешната страна на чевлите, а цената на ова парче со личниот печат на J.Lo е 90 долари.
Единствениот детал кој отстапуваше од маслинестата боја беше елегантната кафеава кожна чанта, која одлично го ,,отвори” овој аутфит. Сепак, најголемо внимание (покрај чизмите) привлекоа нејзините предимензионирани очила за сонце Tom Form Falconer како и моментот на Кери Бредшо – ѓердан со нејзиното име, кој го комплетираше со неколку златни ланчиња, прстени, алки и обетки. Комплетност во секој поглед!
