Четиринаесет каратните златни часовници кои некогаш им припаѓале на Џон Ленон и Енди Ворхол, ќе бидат ставени на аукција, пишува „Пејџ Сикс“.
Аукциската куќа „Филипс“ проценува дека предметите ќе достигнат цена од 20 000 до 40 000 долари.
Аукцијата, што ќе се одржи на 12 декември, се паѓа на четириесетгодишнината од смртта на Ленон. Ворхол почина во осумдесеттите години од минатиот век по срцев удар.
- „Ворхол и Ленон беа блиски пријатели во Њујорк во седумдесеттите години, па еднаш беа фотографирани заедно во „Рекорд Плант“. Двата часовници беа понудени на аукција во 80-тите години. Сегашниот сопственик ја видел фотографијата и бил толку воодушевен што си дал задача да ги обедини повторно“ – изјави Пол Бутрос, шефот на часовниците на Филипс.
Фотографија на Ленон и Ворхол од 1972 година, на Боб Груен, исто така, ќе биде понудена на аукција, заедно со часовниците.
Познато е дека Ленон не поседуваше многу часовници, така што овој е вистинска реткост, додека Ворхол ги обожаваше, поседувајќи многу марки.
