Актерот Дик Ван Дајк (98) доживеа сообраќајна несреќа во Малибу, откако со својот автомобил удри во капија кога неговиот Lexus се излизга на дождот.
Според TMZ, тој изгубил контрола над автомобилот.
Несреќата се случила утрово,а полицајците го пронашле Дик зад воланот на неговиот автомобил со крвав нос.
Веднаш му била укажана лекарска помош, а лекарите се посомневале дека има потрес на мозокот.
Извори за TMZ изјавија дека ниту дрога, ниту алкохол не биле вклучени во несреќата, но полицајците побарале повторно тестирање за возачката дозвола на Дик поради неговата возраст.
Ова не е прва сообраќајна несреќа за познатиот актер. Пред десет години,автомобилот Jaguar на Дик се запали на автопатот во Калабасас, Лос Анџелес.
Човек по име Џејсон Пенингтон му го спасил животот во таа прилика, а за TMZ тогаш изјавил дека видел како старецот бил повреден над воланот на возилото и се упатил кон местото на настанот.
