Иако пред четири години го кажа судбоносното „да“ на режисерот Том Акерли, атрактивната 30-годишна актерка Маргот Роби во повеќе наврати била поврзувана од светските таблоиди со различни актери, меѓу кои и 56-годишниот заводник Бред Пит. Меѓутоа, сега се пишува, споменувајќи го 59-годишниот Џорџ Клуни, сепак, во сосема поинаков контекст.
Имено, New Idea пишува дека Маргот е крајно огорчена од актерот и дека тој е подготвен да ѝ ја уништи кариерата. Но, Маргот е во добри односи со режисерот Дејвид О.Расел, со кого планира да работи на идни проекти. Од друга страна, гореспоменатиот режисер и Џорџ Клуни не можат да се поднесат едeн со друг, уште од нивната голема кавга со снимањето на филмот „Three Kings“.
Поради проблемите, пишува споменатиот таблоид, Џорџ ја ставил Маргот на „црната листа“, однос на списокот на актери со кои не сака да соработува во иднина. Значи, ако режисерот посакува актерот да глуми во филм, само под еден услов, без Маргот Роби.
„Ова е лоша вест за Маргот. Таа била неверојатно возбудена кога дозна дека Клуни и неговиот тим изразија интерес да работат со неа, и сега ништо од тоа. Кога ја дознала причината, не се двоумела. Нема да дозволи тоа да ја загрижува“, откри извор близок до познатата актерка.
Патем, написи за аферата на русокосата Маргот и Бред Пит, кои го делеа големото платно во филмот „Once upon a time in Hollywood“, веднаш се појавија во медиумите. „Бракот на Маргот со продуцентот Том Акерли бил ставен на тест затоа што тој едноставно не можел да ја поднесе помислата дека неговата сопруга ќе биде сама со Бред“, открил неименуван извор во тоа време.
