Романтичен град на брегот во кој секој со задоволство се враќа секогаш.
Conde Nast Traveler направи листа на најубавите приморски градови во Европа. На прво место е хрватска Истра, односно градот Ровињ, пренесува Index.hr.
Рик Џордан, еден од авторите на списанието, е фасциниран од хрватското крајбрежје и неговите приморски градови. Тој пишува дека ги обожава Дубровник, Вис и Хвар, но го избрал Ровињ за најубав град на морето во Европа.
Ровињ го фасцинира „со својот брег, средновековните ѕидини и стариот град, боровите шуми, малите заливи, морски плодови и малвазија“.
Исто така, Џордан е воодушевен од „возењето велосипед до пристаништето, како и малите ресторани лоцирани на рабовите на карпите покрај морето“.
Зад Хрватска, на листата се и Италија, Португалија, Франција, Шпанија, Грција и други земји. Второто место го зазеде Plage de Saleccia, песочна плажа со тиркизно море која се наоѓа на самиот север од францускиот остров Корзика.
Третото место на листата на споменатото туристичко списание го зазеде Фавињана, еден од петте острови од северот на Италија.
Дали сте биле во Ровињ и дали се согласувате со титулата што ја доби?
